Ngaeteel cholyaeq xi qiq miq laoq Yesu’ae xinlzaeq e Beeqhongq cholyaeq jidutuq lil, Yunqnanq e Ha’niq cuq e milcaeq vae zonglzhol lil. Ngaeteel laoq haelnaeqmyel e aedee Beeqhongq cholyaeqhael Yesu Jidu’ae xiangxinl gae’lye aeqyil paellael, kaol ssuqhaoq caqzaq mael’ae geeqlongq meeq li biq’ae lye mol aeqwae, tyulkaol, wangqzhanl xilmael zongltul hhei, kaol hhaelnaeqmyel cholyaeq’ae Jidu xinlyangq mael’ae bi loq lael, hhaelnaeqmyel cholyaeq’ae fuqyin bi gaeq kaol Hhaoqsongl’ae bi xiangxinl lael, kaol ngaeteel nyegael Momil e geeqlongq longqmae mael qiqgael hha bal mul. Wangqzhanl xilmael’ae shiqzil jiaol’yuq, Beeqhongq saeziq e Momil e Suqhhaq, Yesu e guqjin e dianlyinq, shigo, baelmol e guqjin kaol anzhuoq banq e ruanqjianl kaol baeqjyelboq e za siq. Ngaeteel wenqhual haeldyulmyel maqza yae, maeq zongl loq da hhei e, paelsilmyel cu ba e za kiq maeqhe, tyulkaol, wangqzhanl xilmael’ae duq e cholyaeq laoq hhael meeq myel nyuq du’lal laol, paelsilmyel aeqchee jianlyil za laol geedu hhei gil laeq. Hhaoqsongl wangqzhanl xilmael’ae fu e cholyaeq’ae geeqlongq biq biq lye nyuqlil.
