Ha'niq haeqmiyaeq albye bo

Yilkaefu, Ha'niq haeqmiyaeq albye bo fu laoqhaol'ae bo hhae, yiyuanl'ae maq yil'ae, pusiq'ae albye sheeq da zaq e cholyaeq lye maeq zhol. Albye bo fu  

pusiq'ae yaeqmoq, paelsilmyel laefuq albye sheeq da gol e cholyaeq bael sheeq da hhae. Albye zhoq bo gae hhei fu, albye nyul laol zheel meeq hhae, maeq nyul kaollaoq albye sheeq da qiq hhaeq, albye dongqmyel mael’ae tyel biq kaol bi nyul du'lal maoqhhae. 

Albye zhoq bo gae hhei fu nyul e suq tyel laoq yilsi za hhae. Laefuq qiq tyel laoq mqmae’ae milcaeq’ae gee biq ngael dyeq lal aeqwae, niq tyel laoq aeqpyuq aeqdae’ae gee biq ngael dyeqlal aeqwae, suq tyel laoq pusiq cholyaeqhael’ae gee biq ngael dyeqlal aeqwae. Tyulnye laol albye sheeq da qiq hhaeq, albye sheeq da hheikaol haeqpael maellye leeltyeq biq. Myeqbongq mael laoq albye'ae geeqlongq meeq li biq lye gee maoqhhae.

Albye’ae cholmil haelmillye mil biq lye mael eiq zhee mulyo hhae. Cholmil maq hoq laol aeqgael albye zhee nyul dyul maeqcil nael sil kiq'ae. Albye cholmil za kaol maoqlaol cholyaeq maeq suanl hhaeq wae siq.